كلنا عارفين ان الدبل فى حالة الخطوبة بتتلبس فى اليمين وفى حالة الجواز بتبقى فى الايد الشمال طيب حد عارف ليه؟

ببساطة ابتديت فى عصر الرومان  وكانت ان كل عروسين بيلبسوا طوق من الزهور فوق دماغهم ودة دليل على انهم ارتبطوا ببعض وبعد كده طوق الزهور اتحول لمجرد خيط ملون بيتلف حولين اصبع الخنصر و بعد كدة اتطور طبعا وبقى ذهب او الماس.

 اما بقه حكايه يمين او شمال دى بقه علشان انهم كانوا فى الخطوبه بيلبسوا الدبله فى الايد اليمين لانها الايد اللى بتحلف بيها يمين العهد وفى حاله الخطوبه هنا الطرفين كل واحد فيهم اعطى عهد للتانى انهم حيرتبطوا ببعض وبعد الجواز بتتنقل الدبله للايد الشمال ودى بقه ليها سبب علمى لان العلم اثبت ان فى الاصبع الخنصر  فى الايد الشمال فيه شريان رئيسى ممتد من القلب وهنا نقدر نقول ان الدبله بتتنقل علشان تكون قريبه من القلب .